ჩვენი ისტორია

მაღაზია-სალონი „დიადემა“ გთავაზობთ ექსკლუზიური ძვირფასეულობისა და ანტიკვარიატის ფართო არჩევანს.

20 წელზე მეტია, რაც ჩვენი დიზაინერები და ოსტატები თავდაუზოგავად და დიდი სიყვარულით ზრუნავენ, იმაზე რომ „დიადემას“ სამკაული იყოს უნიკალური, გამორჩეული და თანამედროვე.

ძვირფასი და ნახევრად ძვირფასი ფერადი ქვებით შექმნილი კოლექციების თითოეული ნაკეთობა უნიკალურია.

სანდოობა, ხარისხი და პროფესიონალიზმი, ეს ის კრიტერიუმებია, რამაც  განაპირობა „დიადემას“, როგორც პირველი ქართული საიუველირო ბრენდის განვითარება და ბაზარზე დღემდე წარმატებით ოპერირება.

საქართველოში დამზადებული საიუველირო ნამუშევრების გარდა, ჩვენთან შეხვდებით რარიტეტულ ანტიკვარიატსა და ცნობილი მხატვრების ფერწერულ ტილოებს.

თავისი არსებობის მანძილზე, კომპანიას არაერთ გამოფენასა და საერთაშორისო პროექტში აქვს მიღებული მონაწილეობა. იყო არაერთი პრესტიჟული კონკურსისა და ფესტივალის გენერალურ სპონსორი, დამზადებული აქვს უამრავი პრიზი და ჯილდო სხვადასხვა ნომინაციებში გამარჯვებულთათვის.

ისეთ საიუველირო გამოფენებში მონაწილეობა, როგორებიცაა: Basel Fair, VicenzaOro, Inhorgenta, Istanbul Jewelry Show, საშუალებას აძლევს კომპანიის მენეჯმენტსა და დიზაინერებს მუდმივად თვალყური ადევნონ ახალ ტენდენციებსა და მიმართულებებს საიუველირო მოდის ინდუსტრიაში, გაეცნონ ცნობილი საიუველირო ბრენდების უახლეს კოლექციებს და საქართველოშიც დანერგონ ახალი ტექნოლოგიური ინოვაციები.

Phone: +955 32 2 957671
Fax: +955 32 2 957671
18 Marjanishvili Street
Tbilisi, Georgia